"Qarabağ" və "Zirə" yoxlama oyununda üz-üzə gəlib.
Sportinfo.az xəbər verir ki, "Azərsun Arena"da keçirilən matç ağdamlıların 4:2 hesablı qələbəsi ilə başa çatıb.
"Qarabağ"ın qollarını Aleksey Kaşuk, Davud Mənsimov, Bəhlul Mustafazadə, Redon Cica vurub. "Zirə"dən isə Ruan Renato, Martins Junior fərqlənə bilib.
"Qarabağ"ın baş məşqçisi Qurban Qurbanov deyib:
"Yaxşı oyun oldu. Əksər futbolçulara oynamaq şansı verdik.
Doğrudur, bəziləri dəqiqə olaraq, az oynadılar. Bu da planlaşdırılmışdı.
Abdullah Zubir, Marko Veşoviç və Bəhlul Mustafazadəni nəzərdə tuturam. Onların ikisi xəstə idi,
Bəhlul zədədən qayıtmışdı. Bu futbolçuların az oynaması lazım idi.
Rəşad Sadıqov da sağ olsun, üç hissə oynamağımıza razılaşdı və bu cür oyun keçirdik. Yaxşı sonluq oldu. Hər iki komanda üçün faydalı oyun idi".
.jpg)
