“Qarabağ” qış hazırlığı dönəmində ilk yoldaşlıq görüşünü keçirib.
“Azersun Arena”nın yardımçı meydanında baş tutan görüşdə “köhlən atlar” “Kəpəz”i qəbul edib.
Qurban Qurbanov oyunun ikinci hissəsində gənc futbolçulara oynamaq imkanı yaradıb.
Xüsusən müdafiənin mərkəzində yer alan Amin Rzayev diqqət çəkib.
“Qarabağ”ın U-16 komandasının üzvü olan solaxay futbolçunun 15 yaşı 3 ay əvvəl - ötən ilin oktyabrında tamam olub.
Maraq üçün bildirək ki, “Qarabağ”ın gündəlik məşqlərinə aşağı yaş qruplarından ibarət komandaların üzvləri cəlb olunur.
Amin Rzayev futbolda ilk addımlarını 5 yaşında “İnter”də(indiki “Şamaxı”) atıb, bir neçə ildir “Qarabağ”ın aşağı yaş komandalarında çıxış edir.
HƏBİB / SPORTİNFO.AZ
