“Qarabağ”ın hücumçusu Olavio Juninyonun bir ayağı İspaniyadadır.
İspaniya mətbuatında dərc olunan xəbərlərdə braziliyalı futbolçunun “Sevilya” ilə anlaşdığı, hətta transfer məbləği barədə məlumatlar yer alıb.
Belədirsə, Juninyo Bakını tərk edib, yoxsa hələ də “Qarabağ”ın düşərgəsindədir?
“Köhlən atlar”ın mətbuat katibi Anar Hacıyev Sportinfo.az-a açıqlamasında 28 yaşlı forvardın Bakıda olduğunu və məşqlərdə iştirak etdiyini deyib.
Hacıyev keçidin detalları ilə bağlı sualımıza cavabı qısa oldu:
“Gözləyirik məsələ yekunlaşsın. Hansısa yenilik olsa, saytımız və sosial media hesablarımız vasitəsi ilə ictimaiyyətə məlumat veriləcək”.
UEFA kuboku və Avropa Liqasının 7 qat qalibi Juninyonu heyətinə qatmaqla bağlı “Qarabağ”a rəsmi müraciət ünvanlayıb. Hazırda klublar arasında danışıqların son mərhələsi yaşanır.
HƏBİB
