“Sevilya”nın baş məşqçisi Qarsia Pimienta klubunun mümkün qış transferi ilə bağlı açıqlama verib.
İspaniya təmsilçisinin yanvarda heyətinə cəlb etmək istədiyi futbolçulardan biri də “Qarabağ”ın hücumçusu Juninyodur.
Sportinfo.az-ın “AS” nəşrinə istinadən yaydığı xəbərə görə, ispaniyalı mütəxəssis bu gün keçirilən mətbuat konfransında ad çəkmədən deyib:
“Öz klubları ilə müqaviləsi olan futbolçular barədə ən yaxşısı danışmamaqdır. Hər zaman deyirəm ki, Okampos və Navasın gedişindən sonra biz hücum mövqeyini gücləndirməliyik.
Əgər bir hadisə reallaşmayıbsa, bu haqda açıqlama verməməliyik.
Biz həqiqətən o mövqeni “Sevilya”nın səviyyəsinə uyğun, bizə kömək edə biləcək futbolçu ilə gücləndirməliyik. Bu, nə qədər tez baş versə, bir o qədər yaxşıdır”.
