"Qarabağ"ın hücumçusu Olavio Juninyonun "Sevilya" arzusu gerçəkləşmək üzrədir.
Hazırda komandasının Bakıda təşkil edilən hazırlıq prosesində yer alan braziliyalının yuxusuz gecələri bitmək üzrədir.
Belə ki, Juninyonun İspaniya klubuna keçidi yekunlaşıb.
Bu xəbər Azərbaycan idman mediasına "son dəqiqə xəbəri" kimi düşsə də, ilk informasiya ötən ilin 29 dekabrında saytımızda dərc olunan xəbərdə (https://www.sportinfo.az/idman_xeberleri/qarabag/69123.html) öz əksini tapmışdı.
"Juninyonun transfer arzusu çin olur: "Qarabağ" "Sevilya" ilə ortaq məxrəcə gəlir..." başlığı altında dərc olunan eksklüziv xəbərdə “Sportinfo TV”nin aparıcı eksperti Elçin Cəfərov potensial keçid barədə bütün detalları açıqlayıb.
O bildirmişdi ki, Azərbaycan Premyer Liqasından İspaniya La Liqasına transfer “Qarabağ” adına möhtəşəm bir hadisədir:
"Olavio Juninyoya ötən mövsüm avrokubokdakı çıxışı sayəsində “Sevilya”dan təklif gəldi. Braziliyalı Ağdam klubuna təxminən 4 milyon avro qazandıracaq".
Elçin Cəfərov əlavə etmişdi ki, Kadidən sonra növbəti belə keçid “Qarabağ”da seleksiya işinin necə yüksək səviyyədə olmasının növbəti təsdiqidir.
VİDEONU BU LINKƏ DAXİL OLARAQ İZLƏYİN
