"Qarabağ”ın yeni transferi barədə xəbərlər yayılıb.
İddiya görə, Azərbaycan çempionu "Botev”də çıxış edən qvineyalı Antuan Konteni heyətinə qatmaq istəyir.
Sosial şəbəkələrdə tirajlanan informasiyaya görə, «köhlən atlar» artıq Bolqarıstan klubu ilə danışıqlara başlayıb.
Azərbaycan çempionu müdafiə xəttindəki boşluğu məhz Plovdiv təmsilçisinin 31 yaşlı oyunçusu ilə aradan qaldırmağı planlaşdırır.
Fəqət, "Qarabağ”dan bu informasiyanı saytımıza təsdiq etməyiblər. Klubdan verilən bilgiyə görə, sözügedən afrikalı Qurban Qurbanovun transfer siyahısında yer almır.
Bu mövsüm "Botev”in heyətində 21 matçda meydana çıxan Antuan Konte ikili vətəndaşlığa sahibdir.
Vaxtilə Fransanın aşağı yaş qrupları üzrə yığmalarının formasını geyinmiş arxa zona oyunçusu hazırda Qvineya millisində çıxış edir.
SPORTİNFO.AZ
