“Qarabağ”ın hücumçusu Redon Cicanın Albaniyada “Eqnatiya”ya keçəcəyi ilə bağlı xəbərlər yayılıb.
Sportinfo.az xəbər verir ki, bunu Albaniya mətbuatı iddia edib.
"Eqnatiya”nın Cicanı qışda transfer edib-etməyəcəyini dəqiqləşdirmək üçün klubun idman direktoru sportal.az-a açıqlama verib.
Albaniya çempionunun rəsmisi Cica məsələsi haqda qısa və konkret danışıb. Kleydi Zenelay “Qarabağ”ın hücumçusunu transfer etmək haqda düşünmədiklərini deyib:
"Cicanı təbii ki, yaxşı tanıyırıq. Onun “Qarabağ”da çox oynamadığından da xəbərdarıq. Amma “Eqnatiya” ona maraq göstərmir. Bu mənada Cica haqda nəsə deməyim doğru olmaz".
Redon Cica 2023-cü il yanvarın 24-də “Tirana”dan “Qarabağ”a keçmişdi. O, 2026-cı il iyunun 30-na qədər Ağdam klubuna məxsusdur.
