"Qarabağ"ın qapıçısı Mateuş Koxalski ölkəsinin mətbuatına açıqlama verib.
Sportinfo.az xəbər verir ki, polşalı qolkiper Azərbaycanın təhlükəsiz ölkə olduğunu bildirib.
24 yaşlı legioner küçələrdə dava-dalaş, sərxoş insanlar görmədiyini deyib:
"Polşa nisbətən təhlükəsiz ölkədir. Lakin Azərbaycanda təhlükəsizlik hissi daha da böyükdür.
Mən burada nə dava-dalaş, nə küçələrdə sərxoş insanlar, nə də evsiz-eşiksiz insanlar gördüm".
"Qarabağ" Mateuş Koxalskini bu ilin avqust ayında "Stal"dan (Polşa) transfer edib. Qapıçı Ağdam təmsilçisinin heyətində 14 rəsmi matçda meydana çıxıb.
