“Avrokuboklardakı nəticələrimizi eniş adlandırmazdım.
Yəqin ki, ildən-ilə “Qarabağ”a olan ümidlər artır”.
“Qarabağ”ın qapıçısı Şahruddin Məhəmmədəliyev Sportinfo.az-a açıqlamasında komandasının avrokuboklardakı çıxışını barədə danışıb.
Ağdamlılar Avropa Liqasının təsnifat mərhələsini uğurla dəf edərək Liqa mərhələsinə vəsiqə qazanmağı bacarsa da, buradakı çıxışı gözlənilən kimi olmadı.
6 oyunda meydana çıxan “köhlən atlar” 5 oyunu məğlub başa vurub, yalnız 1-də qələbə sevindi ki, aktivində cəmi 3 xal var.
30 yaşlı qapıçı vəziyyətin belə alınmasını rəqiblərin gücü ilə əlaqələndirib:
“Bir şeyi unutmayaq ki, avrokuboklarda hansısa məhəllə komandalarına qarşı oynamırıq. Rəqiblərimiz ya dünya futbolunun brendləri, ya da öz ölkələrinin çempionlarıdır.
“Ayaks”, “Tottenhem”, “Lion” – bunlar saysız titullara sahib klublardır. “Malmö”, “Budyo Qlimt” son ölkə çempionlarıdır.
“Elfsborq” da öz dəsti-xətti olan komandadır. Bu kimi məqamları mütləq nəzərə almalıyıq”
“Qarabağ” Liqa mərhələsindəki sonuncu görüşlərini yanvarın 23-də Bakıda FCSB-ya, yanvarın 31-də səfərdə “Olimpiakos”a qarşı keçirəcək.
HƏBİB
