"Sevilya" "Qarabağ"ın hücumçusu Olavio Juninyonun transferini yekunlaşdırmaq üzrədir.
Sportinfo.az xəbər verir ki, bu barədə "Ficherio" nəşri məlumat yayıb.
Əndəlüs təmsilçisinin Azərbaycan çempionuna sonuncu təklifinin 3+1 milyon avro olduğu yazılıb.
İddiaya görə, 28 yaşlı hücumçu da "köhlən atlar"a onu buraxması üçün müraciət edib.
"Qarabağ" daha əvvəl Juninyo üçün "Sevilya"nın ilkin təklifini geri çevirib. Həmin vaxt La Liqa klubu braziliyalı forvard üçün 2 milyon avro civarında məbləğ ödəməyə hazır olduğunu bildirib.
