"İlk hissədə çoxlu texniki səhvlər etdik".
Sportinfo.az xəbər verir ki, bunu "Elfsborq"un baş məşqçisi Oskar Hilyemark deyib.
32 yaşlı mütəxəssis İsveçdə "Qarabağ"a qalib gəldikləri Avropa Liqasının Liqa mərhələsinin VI turunun oyunu (1:0) barədə fikirlərini bölüşüb.
O, qələbə qazandıqları üçün xoşbəxt olduğunu bildirib:
"Komandamla fəxr edirəm. Meydan son dərəcə sürüşkən idi.
Bu, Milad bayramından əvvəl çox gözəl və vacib qalibiyyət idi. Qələbə əldə etməsəydik, növbəti mərhələ şansımız azalacaqdı.
Düşünürəm ki, nəhəng klublara qarşı da yüksək səviyyədə çıxış edə bilərik".
