"Qarabağ" Avropa Liqasında 2024-cü ili məğlubiyyətlə tamamladı.
İsveçdə "Elfsborq"un qonağı olan ağdamlılar yekunda 0:1 hesablı məğlubiyyətə üzüldü.
Halbuki futbol ictimaiyyətinin bu görüşdən gözləntiləri böyük idi.
Hər kəs ümid edirdi ki, "köhlən atlar" növbəti 3 xalına məhz İsveçdə sevincək.
Amma Qurban Qurbanovun kollektivi nəinki 3 xal, heç 1 xala da sahib ola bilmədi.
Uğursuz nəticə fanatları çox üzüb.
Bunu klubun sosial şəbəkə hesablarında yazılan şərhlərdən görmək olar.
Görünür, "Qarabağ"ın illərdi qələbələrinə alışan tərəfdarlar son dönəmlər qeydə alınan ardıcıl məğlubiyyətləri həzm edə bilmirlər:
"Güvəndiyimiz dağlara qarı sən yağdırdın "Qarabağ".
"Əlinizdən gələni yox, ağlınızdan gələni etdiniz".
"Oyun alınmadı deyə bir şey yoxdur. Yaxşı olsa alınardı".
"Əvvəl deyirdik ki, Yankoviç, Veşoviç yoxdu. İndi onlar var, yenə oynamırıq. Niyə?".
"Qələbə üçün çıxdığımız oyunda 1 xal qazana bilmədik. Komanda günü-gündən düşür".
"Qarabağ" bu il o deyil".
"Bizim günahımız nədir?".
XANOĞLAN/ SPORTİNFO.AZ
