«Qarabağ» yeni hücumçu axtarışlarını sürətləndirib.
Avropa Liqasının Liqa mərhələsinin geridə qalan 5 turunda dörd məğlubiyyət alan «köhlən atlar» araşdırmaları genişləndirməklə kifayətlənməyib.
Eyni zamanda, ona ayrılan büdcəni artırıblar. Ağdam təmsilçisi bəyənəcəyi forvarda görə illik1-1,2 milyon dollar ödəməyə hazırdır.
Bununla bağlı menecerlərə konkret tapşırıq verilib. Onlardan ən qısa zamanda siyahı hazırlamaları istənilib.
Qurban Qurbanov narahatdır və tələsir. Juninyo, Redon Cica və digərlərinin performansı baş məşqçini qətiyyən qane etmir.
Azərbaycanın ən yaxşı mütəxəssisi avrokuboklarda qaçırılan qol sayından, belə demək mümkünsə, dəhşətə gəlib.
Hesablamaya görə, «köhlən atlar» son 7 beynəlxalq matçda 25-ə yaxın real qol fürsətini boşa verib.
Qurbanov bu səbəbdən problemin təcili həllinə çalışır. Və özü də daha səviyyəli legionerin hesabına.
SPORTİNFO.AZ
