"Çətin bir qarşılaşma olacağını düşünürəm.
"Lion" da "Qarabağ"ın təxminən oyun planına uyğun performans sərgiləyir.
Daha çox topa sahib olmağa, oyunu meydanın rəqibə aid hissəsində 35-40 metrdə keçirməyə çalışır.
Bu baxımdan sürətli ötürmələr fonunda müdafiə olunmada ciddi problemlər yaşayan komandadır. Diqqətli olsaq, qalib gələ bilərik".
Bu fikirlər “Sportinfo TV”nin aparıcı eksperti Elçin Cəfərova məxsusdur.
Tanınmış jurnalist Avropa Liqasının Liqa mərhələsinin 5-ci turu çərçivəsində bu gün Bakıda keçiriləcək "Qarabağ" - "Lion"(Fransa) matçı barədə danışıb.
Azərbaycan çempionunun top rəqibdə olarkən güclü pressinqə ehtiyac duyduğunu qeyd edən E.Cəfərov sürətli düşünməyin vacibliyini diqqətə çatdırıb.
Eyni zamanda tərəflərin bir-birilərinə qarşı quracaqları üstünlüklər barədə ətraflı şərhlər verən ekspert "Qarabağ"ın müdafiə planında üzləşəcəyi problemlərin "Lion"a bəzi fürsətlər yarada biləcəyinin anonsunu verib.
VİDEONU BU LINKƏ DAXİL OLARAQ İZLƏYİN
