“Səbail”ə yeni baş məşqçi təyin olunub.
Daha istəkli, daha aqressiv olacaqlar”.
Bu sözləri Sportinfo.az-a açıqlamasında “Qarabağ”ın müdafiəçisi Kevin Medina deyib.
Çempionatda yaranmış iki həftəlik fasilədən sonra “köhlən atlar” Premyer Liqanın 14-cü turunda “Səbail”in qonağı olacaq.
Komandaların məqsədləri fərqlidir. Ağdamlılar çempionluq, bayıllılar isə elitada qalmaq uğrunda mübarizə aparır.
Buna baxmayaraq, kolumbiyalı legioner oyunun çətin keçəcəyini, rəqibin onlara baş ağrısı yarada biləcəyini düşünür:
“Səbail”lə oyunlarımız hər dəfə çətin keçir. Futbolçuları bizə qarşı daha istəkli və əzmkar mübarizə mübarizə aparırlar. Əminəm ki, bu dəfə də dediyim kimi olacaq.
Yeni baş məşqçi gəldiyindən, oyunçular özlərini ona sübut etmək üçün əllərindən gələni edəcəklər. Matç hər nə qədər çətin keçsə də, istədiyimiz nəticəni əldə edəcəyimizə inanıram”.
Noyabrın 23-də “ASCO Arena”da baş tutacaq qarşılaşma saat 17:00-da başlayacaq.
HƏBİB
