“Əlbəttə, bunun üçün əlimizdən gələni edəcəyik”.
Bu sözləri Sportinfo.az-a açıqlamasında “Qarabağ”ın yarımmüdafiəçisi Patrik Andrade deyib.
Səfərdə “Bodo Qlimt” üzərində qazanılan 2:1 hesablı qələbə “köhlən atlar”ın Avropa Liqasında pley-off ümidlərini yenidən qaytardı.
Norveçdə qazanılan uğurun davamını “Lion”la Bakıdakı matçda gətirmək mümkün olacaq?
Kapo-verdeli legionerin cavabını deyək:
“Bodo Qlimt”lə oyunda mükəmməl çıxış etmədik. Bunun fərqindəyik.
Lakin buna baxmayaraq, səfərdə çox vacib qələbə qazandıq. İndi fasilə dövründə səhvlərimizi analiz edib, onlardan nəticə çıxaracağıq.
Daha sonra isə əlimizdən gələni etməliyik ki, “Lion”la matçda da azarkeşlərimizi sevindirək”.
