“Qarabağ” bu gün Avropa Liqasının Liqa mərhələsinin 4-cü turunda Norveçdə “Bodo Qlimt” ilə qarşılaşacaq.
Bodo şəhərindəki “Aspmira” stadionunda baş tutacaq oyun saat 21:45-də başlayacaq.
“Qarabağ” Avropa Liqasının Liqa mərhələsinin ilk 3 turunda “Tottenhem”ə (İngiltərə) 0:3, “Malmö”yə (İsveç) 1:2, “Ayaks”a (Niderland) 0:3 hesabı ilə məğlub olub.
Azarkeşlər “Qarabağ”dan nə gözləsinlər?
“Köhlən atlar”ın braziliyalı hücumçusu Juninyo Sportinfo.az-a açıqlamasında deyib:
“Norveçdə yaxşı nəticə qazanmaq üçün əlimizdən gələni edəcəyik. Bilirəm, rəqib güclüdür, öz meydanında oynayır.
Ancaq bizim də məqsədimiz var. Azarkeşlərə sözüm odur ki, “Qarabağ”dan yaxşı nəticə gözləsinlər”.
