Noyabrın 7-də səfərdə “Bude Qlimt”in qonağı olacaq “Qarabağ”ın səfər planı məlum olub.
Ağdam təmsilçisi Norveçə oyundan iki gün əvvəl yola düşəcək.
“Köhlən atlar”ı aparacaq təyyarə çərşənbə axşamı Bakı vaxtı ilə saat 17:30-da havaya qalxıb, yerli vaxtla 21:00-da (Bakı vaxtı ilə 00.00) mənzil başına çatacaq.
Ertəsi yerli vaxtla saat 17:40-da Qurban Qurbanov mətbuat konfransında jurnalistlərin suallarını cavablandıracaq. Bundan yarım saat sonra “Qarabağ”ın oyunöncəsi son məşqi baş tutacaq.
Azərbaycan çempionu oyundan dərhal sonra vətənə qayıdacaq.
Cümə axşamı “Aspmira” stadionunda baş tutacaq qarşılaşmanın start fiti saat 21:45-də çalınacaq.
HƏBİB / SPORTİNFO.AZ
.jpg)
