Niderlandın “Ayaks” klubunun futbolçusu Daniel Ruqani Avropa Liqasının əsas mərhələsinin 3-cü turunda Bakıda “Qarabağ”a qarşı keçirilmiş oyununu şərh edib.
Sportinfo.az xəbər verir ki, klubun rəsmi saytına danışan italiyalı müdafiəçi paytaxtımızdakı 3:0 hesablı qələbə haqda bunları deyib:
“Biz işimizi yaxşı yerinə yetirdik. Bakıda “Qarabağ”a qalib gəlmək o qədər də asan deyil. Uzun müddətdir oynamıram. Ona görə də geri qayıdıb komandaya bu vacib qələbəni qazandırmaqda köməklik etdiyim üçün sevindim. Təhlükəli rəqiblə səfər oyunu olduğu üçün asan olmadı”.