.jpg)
“Qarabağ”ın baş məşqçisi Qurban Qurbanov komandanın hücumçusu Redon Cicanın adının Avropa Liqasının sifariş ərizəsinə salınmamasının səbəbini açıqlayıb.
Sportinfo.az xəbər verir ki, Ağdam klubunun çalışdırıcısı bununla bağlı suala cavab verib.
O deyib ki, Avroliqada sistemdə legioner və əsas oyunçuların say məhdudiyyəti var:
"Ona əməl etməliyik. Siyahıya əlavə edə bilmərik artığını.
Nəriman Axundzadə, Abbas Hüseynov, Musa Qurbanlı, Sadiq Məmmədzadəni siyahıdan çıxarsaq, onların əvəzinə oyunçu sala bilmərik.
Bu o demək deyil ki, Cicaya inanmırıq. Cica ola bilər bu gün rəqabətdə Juninyoya uduzur.
Amma ümumən baxanda, Cica mənə lazımdır. Bir-iki oyun oynamadısa, o demək deyil ki, ondan üz döndərmişəm, inanmıram.
Ona görə çox üzüldüm. Hamı başa düşməlidir. O da məni başa düşür.
Siyahıdan Nəriman və Musanı çıxarıb, onun adını sala bilmərəm. Çıxarsam də, yerləri boş qalacaq. Hücum xəttində dəyişiklik edə bilirəm.
Ona görə Cicanı siyahıdan çıxardıq. Qalan mövqelərdə hər zonada 2 oyunçumuz qalıb.
Belə oldu. Cicadan hansısa narazılığım, inamısızlığım yoxdur. Aktiv də məşq edir. İntizamlı oyunçudur.
Ölkə çempionatında sıx qrafikimiz olacaq. Böyük ehtimalla şansı daha çox olacaq”.
