"Qarabağ" bu mövsüm avrokuboklarda ilk məğlubiyyətini aldı.
Həm də çox surpriz şəkildə.
Əksəriyyətin pley-off mərhələsini düşündüyü vaxtda ağdamlılar 3-cü təsinfat mərhələsinin ilk görüşündə uduzdu.
Bu mərhələdəki rəqibimiz "Ludoqorets" Bakıdan qələbə ilə ayrıldı - 1:2.
Cavab görüşü öncəsi bu nəticə bolqarlara böyük üstünlük vermiş oldu.
Amma fanatlar belə düşünmür.
Klubun sosial şəbəkə hesablarına gələn çoxsaylı şərhlər göstərir ki, azarkeşlər hələ də son çempiona tam gücü ilə inanır.
Seçilmiş bəzi rəyləri sizə təqdim edirik:
"Biz Çempionlar Liqasına gedəcəyik".
"Qarabağ" səfərdə bu komandaya qan udduracaq".
"Braqa", Bayer" kimj komandaları səfərdə mat qoyan "Qarabağ" bu klubun da işini bitirəcək".
"Qarabağ" turu keçəcək. Həmişə belə olub. Hər il komandamız oyundan-oyuna artırır".
"Qarabağ" səfərdə daha rahat oynayır. Ona görə də ürəyinizi sıxmayın. Hələ 1 oyun var. Heç nə bitməyib".
"Sənə inanırıq "Qarabağ".
"Fırtınadan öncəki sakitlikdir. Onsuz da hər kəs gördü ki, ədalətsiz nəticədir. Tam güclə irəli".
"Səfərdə qələbə bizimdir. Biz səfər komandasıyıq".
"Cavab oyununda rəqibə lazımı cavab veriləcək".
XANOĞLAN / SPORTİNFO.AZ
