Avrokuboklarda mərhələ adlayan “Qarabağ”, “Zirə” və “Sabah”ın işi qəlizdir
Bu komandalar avrokuboklarda mübarizə aparmaqla yanaş, həm də çempionat görüşlərində meydana çıxmalıdır.
“Qarabağ” 3-4 gündənbir oynamağa alışsa da, mövcud qrafik digərlərinə çətinlik yaradacaq. Bu mənada “Zirə”nin ehtiyat oyunçular skamyasının geniş olmaması da özünü göstərəcək.
“Qartallar”ın portuqaliyalı qapıçısı mövzu ilə bağlı Sportinfo.az-a verdiyi açıqlamada maraqlı ifadələrlə yadda qalıb:
“Haqlısız, müəyyən mənada çətinliklərimiz olacaq. Ancaq söhbət peşəkar futboldan və hədəfləri böyük olan klubdan gedirsə, buna alışmalıyıq.
“Qarabağ” neçə illərdir bu qrafikdə oynayır. Həm çempion olurlar, həm də avrokuboklarda Azərbaycanı layiqincə təmsil edirlər. Bununla yanaşı, ölkə kubokuna da sahib çıxdılar.
Demək ki, mümkünsüz heç nə yoxdur. Heyətimiz “Qarabağ” qədər geniş olmasa da, gücümüzü bir yerə qoymaqla nələrsə edə bilərik. Hər şey özümüzdən asılıdır.
“Zirə” avqustun 4-də Premyer Liqanın açılış turu çərçivəsində “Səbail”i qəbul edəcək, avqustun 8-də Xorvatiyada “Osiyek”in qonağı olacaq.
HƏBİB
