![Özü "Qarabağ"da, gözü pulda - İcazə versəydiz, bu təkliflərdən birini seçərdim](https://www.sportinfo.az/media/2024/07/24/gettyimages-2079434017-612x612.jpg)
Yassin Benzia avqustda Azərbaycandan ayrıla bilər.
2023-cü ilin yanvarında «Qarabağ»a gələn əlcəzairli yarımmüdafiəçi növbəti dəfə kluba müraciət edib.
Ağdam klubuna gəlişindən sonra əla forma yığan 29 yaşlı futbolçu yenidən ölkəsinin əsas millisinə qayıdıb. Bu isə ona həm Avropada, həm də Asiyada marağı artırıb.
«Köhlən atlar»la sözləşməsi 2025-ci ilin iyunun 30-da bitəcək ərəb legionerə Polşa, Fransa, İspaniya, Türkiyə, Səudiyyə Ərəbistanı və Qətərdan dəvətlər yağmaqdadır.
Təkliflərin çoxluğundan hayıl-mayıl olan Benzianın daha çox pul qazanmaq istəyi artıq sərhəd tanımır.
İştahası artan sabiq «Fənərbaxça»lı «Qarabağ»ya bu fürsətlərdən birini dəyərləndirməyi fikirləşdiyini deyib.
SPORTİNFO.AZ