![Şahruddindən "Qarabağ"dakı həmkarına XÜSUSİ DİQQƏT - FOTO](https://www.sportinfo.az/media/2024/07/18/e82f45cd-e05a-3e18-ab54-163ab797fd5a_850.jpg)
Ağır zədə alan "Qarabağ"ın qapıçısı Amil Ramazanova sabiq komanda yoldaşı Şahruddin Məhəmmədəliyev mənəvi dəstək nümayiş etdirib.
Son mövsümü "Adana Dəmirspor"da keçirən "Şah" kolleqasına görüntülü zəng edib.
O, Amilə Allahdan şəfa diləyib. Belə günlərdə möhkəm olmalı olduğunu bildirib.
Ramazanov Məhəmmədəliyevə həssa davranışına görə təşəkkür edib.
Məşq prosesində xəsarət alan gənclər millimizin üzvü sağ dizinin ön çarpaz bağlarının tam qopması aşkarlanıb.
Ölkə xaricində əməliyyat olunan qolkiperin 8 aydan sonra yaşıl meydanlara dönəcəyi gözlənilir.
Maraq üçün bildirək ki, məhz Amilin sıradan çıxması "Qarabağ"ın məşqçilər korpusunun Şahruddini yenidən komandaya qaytarmaq qərarı verməsinə yol açıb.
Türkiyə təmsilçisindən ayrılan 30 yaşlı futbolçu bu gündən "köhlən atlar"a qoşulub.
XANOĞLAN / SPORTİNFO.AZ