Texnologiyanın işıq sürəti ilə inkişaf etdiyi dövrdə avtomobillər gündəlik həyatımızın ayrılmaz parçasına çevrilib.
İmkanı zəif olanlar aşağı seqmentli maşınlara üz tutursa, vəzifəlilər, iş adamları, idmançılar, şou biznes nümayəndələri lüks avtomobillərlə gündəmə gəlir.
Yəqin ki, “Qarabağ”ın heyətindəki legionerlərin Bakı küçələrində hansı markalı avtomobillərdə şütüməsi hər biriniz üçün maraqlıdır.
Yay fasiləsində futboldan bir qədər uzaq düşərək fikrinizi yaşıl meydandan kənarda dağıtmaq üçün “Qarabağ”dakı əcnəbilərin sürdüyü maşınların marka və modellərini təqdim edirik.
Olavio Juninyo – Changan, UNİ-K
Abdulla Zubir - Hyundai, Santa Fe
Mateus Silva – Hyundai, ix35
Yassin Benzia – KİA, Sorento
Redon Cica – KİA, Sportage
Kevin Medina – Bestune, T99
Riçard Almeyda – Bestune, T99
Julio Romao – KİA, Sportage
Luka Quqeşaşvili - Hyundai, Elantra
Marko Yankoviç – KİA, Sportage
Patrik Andrade – Range Rover, Sport
Marko Veşoviç – Hyundai, ix35
Maraq üçün bildirək ki, maşınların heç də hamısı özlərinə məxsus deyil. Elə futbolçular var ki, ciblərinin pulu ilə alıblar. Nə vaxtsa Azərbaycanı tərk edəndə münasib qiymətə satacaqlar.
Lakin böyük əksəriyyət 4 təkərliləri aylıq icarə əsasında götürür. Hətta bir neçə nəfər ümumiyyətlə sükan arxasında əyləşmir. Taksi xidmətindən yararlanır.
HƏBİB / SPORTİNFO.AZ
.jpg)
