![“Qarabağ”ın 16 yaşlı hücumçusu xarici şirkətlə müqavilə bağladı](https://www.sportinfo.az/media/2024/05/14/438246534_464302362827865_9063286875555845102_n.jpg)
Gənc azərbaycanlı futbolçu xarici şirkətlə müqavilə bağlayıb.
Söhbət “Qarabağ”ın və Azərbaycanın U-17 millisinin üzvü Əli İsmayıldan gedir.
“LA Football Consulting” adlı agent şirkəti sosial şəbəkə hesabı vasitəsi ilə bu barədə məlumat yayıb:
“Xoş gəldin! Əli İbrahim 2008 doğumlu hücumçudur, Azərbaycan futbolunda ən böyük talantlardan biridir. O, hazırda “Qarabağ”a məxsusdur. Biz tarixi birlikdə yazacağıq”.
Maraq üçün bildirək ki, sözügedən şirkətin Yunanıstan, ABŞ və Braziliyada ofisləri mövcuddur.
HƏBİB / SPORTİNFO.AZ