.jpg)
Avropa Liqasının rəsmi "X" hesabı "Qarabağ"la bağlı paylaşım edib.
Sportinfo.az xəbər verir ki, Avropa futbol qurumu "köhlən atlar"ın braziliyalı müdafiəçisi Mateus Silvanın turnirin pley-off mərhələsinin cavab matçında "Braqa"ya vurduğu qolu paylaşıb.
Mateus Silvanın rəqib qapısından keçirdiyi top fərqləndirilib.
Portuqaliyada "Braqa"ya qalib gələn (4:2) "Qarabağ" Tofiq Bəhramov adına Respublika stadionunda əlavə vaxtda məğlub olsa (2:3) da, 1/8 finala yüksəlib.
Ağdam təmsilçisi bu raundda Almaniyadan "Bayer 04" ilə üz-üzə gələcək.
