.jpg)
“Çətin oyun olacağını bilirdik.
Turnir cədvəlində aşağı pillələrdə qərarlaşmasına baxmayaraq, “Qəbələ” heç də zəif rəqib deyil.
Ona görə bu matça yaxşı hazırlaşmışdıq. Rəqibi yaxşı analiz etmişdik.
Çox şükür ki, istədiklərimizi meydanda reallaşdırdıq və qələbə qazandıq”.
Sportinfo.az xəbər verir ki, bu sözləri “Qarabağ”ın yarımmüdafiəçisi Toral Bayramov Premyer Liqanın 15-ci turunda “Qəbələ” üzərində qazanılan qələbəni (3:0) şərh edərkən deyib.
O, növbəti turda “Sumqayıt”a qarşı keçirəcəkləri matçın çətin keçəcəyini söyləyib:
“Artıq qarşıdakı matçın hazırlıqlarına başlayacağıq. “Sumqayıt” hazırda yaxşı formadadır.
Səhv etmirəmsə, neçə turdur uduzmurlar. Odur ki, bizi maraqlı və gərgin oyun gözləyir”.
