“Qarabağ”ın çalışdırıcısı Qurban Qurbanov yenidən Azərbaycan millisinə qayıda biləcəyi ilə bağlı iddiaları cavablandırmaq istəməyib.
Sportinfo.az xəbər verir ki, o, fikrinin öz klubunda olduğunu bildirib:
“Mənim üçün ən çətin suallar milli ilə bağlı olan suallardır. Orada mənim həmkarlarım var, həm də İcraiyyə Komitəsindəyəm.
Xahiş edirəm, mənə bir də bu barədə sual verməyin. Hər qurumun öz idarəçiləri var. Bu dəqiqə fikrim “Qarabağ”dadır”.
Qurbanov “Bəs, Fernandu Santuşun işini necə dəyərləndirirsiniz” sualına isə belə şərh edib:
“Cavab verə bilməyəcəm. Hər birimiz Santuşa hörmətlə yanaşırıq.
Ona uğurlar arzulayıram. Hamı öz işində məsuliyyətli olmağa çalışır”.
