«Yeni transferlərin olması üzərində iş gedir».
Bu sözləri Sportinfo.az-a açıqlamasında «Qarabağ»ın direktoru Emrah Çelikel deyib.
Ağdam klubunun idarəçisi bu istiqamətdə aparılan fəaliyyət barədə danışıb. Uzun illərdir «köhlən atlar»a rəhbərlik edən təcrübəli funksioner komandanı gücləndirməyə çalışdıqlarını bildirib:
«Baş məşqçimiz Qurban Qurbanov heyətə yeni futbolçuların qoşulmasını istəyir. Bunu hocanın özü də mediaya açıqlayıb.
Açığı, hələlik anlaşdığımız bir kimsə yoxdur. Maraqlandığımız, danışıqlar apardığımız futbolçular var.
Mən indi onların yerli, yoxsa legioner olduğunu söyləyə bilmərəm. Çünki hələ razılıq əldə etməmişik.
«Qarabağ»da bu işlər bir günün içində görülmür. Seleksiya qrupumuz futbolçuları ilboyu diqqət mərkəzində saxlayır, onlar barədə davamlı olaraq məlumat toplayır.
Baş məşqçimizin istədiyi oyunçularla danışıqların necə bitəcəyini söyləmək tezdir. Neçə transfer edəcəyimizi də zaman göstərəcək».
