«Qaradağ Lökbatan» AFFA tərəfindən cəzalandırılacaq.

Buna səbəb I Liqa klubunun qayda-qanuna riayət etməməsidir.

Belə ki, qəsəbə təmsilçisi çempionatın 20-ci turunun "Cəbrayıl"la qarşılamasında adını iştirak ərizəsinə daxil etmədiyi 2 futbolçunun xidmətindən yararlanıb.

«Qaradağ»lılar 0:0 bitən matçda iranlı yarımmüdafiəçi Naxamaneş Neyijvanuş və Ramin Məhərrəmlini meydana buraxıb. Hər iki oyunçu əvəzetmədən qazona ayaq basıb.

Ramin Məhərrəmli fasilədə Coşqun Əsədzadənin yerinə forma geyinibsə, Naxamaneş Neyijvanuş 72-ci dəqiqədə Fərid Mahmudovu əvəzləyib.

Bu səbəbdən İntizam Komitəsi onlara 0:3 hesablı texniki məğlubiyyət verəcək.

«Qaradağ Lökbatan» yenə baş məşqçisiz qala bilər. Mövsümün əvvəlində Azər Həşimovun əvəzinə komandanın sükanı arxasına keçən Amit Quluzadə istefa ərizəsi yazıb.

O, rəhbərliklə görüşərək, iş yerini tərk etmək istədiyini bildirib. Gənc mütəxəssis fikrini nəticələrlə əlaqələndirib.

İki il qabaq «Füzuli»ni çalışdırmış Quluzadə düşərgədə bir sıra problemlərin olduğunu deyib, uğursuzluq zolağından çıxmağın çətinliyinə diqqət çəkib, həmçinin bəxtsizlikdən şikayətlənib.

Qeyd eləyib ki, hər oyunda çoxsaylı qol epizodları yaratsalar da, fərqlənmək, qələbə qazanmaq müşkül işə dönüb.

Qəsəbə təmsilçisi 20 tura 16 xal toplayıb. Ötən sezonun gümüş medalçısı bu göstərici ilə turnir cədvəlinin son – 10-cu pilləsində qərarlaşıb.

SPORTİNFO.AZ

“Cəbrayıl” – “Qaradağ Lökbatan” - 0:0

ASCO Arena. 70 tamaşaçı
Baş hakim: Kamranbəy Rəhimov
Baş hakimin köməkçiləri: Mirnihad Seyidov, Sevda Nuriyeva
Dördüncü hakim: Alik Yunusov
Hakim-inspektor: Asim Xudiyev
AFFA nümayəndəsi: Emin Cəfərov
Sarı vərəqələr: Emil Bayramov, 70 (qeyri-idman hərəkəti); Taleh Qarayev, 75 (qeyri-idman hərəkəti) // İsa İsayev, 7 (qeyri-idman hərəkəti); Coşqun Əsədzadə, 18 (qeyri-idman hərəkəti)
Artırılan vaxt: I hissədə - 1 dəq.; II hissədə - 3 dəq.

“Cəbrayıl”
76. Ümüd Cəfərov
44. Samir İbrahimov (k)
13. Elşad Əliyev
(7. Polad İbrahimov, 37)
19. Məhərrəm Orucov
52. Emil Bayramov
11. Samir Məhərrəmli
8. Zeynəddin Abdurahmanov
34. Taleh Qarayev
(90. Kənan Baxışov, 87)
79. Mirmövsüm Caniyev
(17. Nurlan Quliyev, 72)
21. Bilal İsmayılov
(6. Həsrət Mürsəlov, 87)
14. Ravil Qafarov
Ehtiyat oyunçular:
1. Əkpər Vəliyev
5. Vüsal Səfərov
10. Tapdıq Əhmədov
77. Zahir Mirzəzadə
4. Asif Məmmədov
20. Əşrəf Zeynallı
22. Aqşin Yaqubov
55. Lətif Haşımov
Baş məşqçi: Əli Muradov

“Qaradağ Lökbatan”
25. İlnur Valiev
90. Şahin Balejai
(9. Nurlan Novruzov, 46)
10. Araz Abrullayev (k)
8. Təmraz Əmircanov
7. Bahadur Həziyev
6. Coşqun Əsədzadə
(17. Ramin Məhərrəmli, 46)
5. Fərid Nadirov
22. Fərid Mahmudov
(19. Naxamaneş Neyijvanuş, 72)
14. Hüseyn Hüseynli
27. Cavidan Rəhimli
21. İsa İsayev
(88. Tunar Mütəlimov, 15)
Ehtiyat oyunçular:
1. Əli Kərimov
44. Xəyyam Hüseynov
15. Fuad Əhmədov
47. Arif İsrafilbəyov
4. Hakan Həsənov
3. Səttar Hacıyev
Baş məşqçi: Fərid Məmmədov