«Mingəçevir»in baş məşqçisi Füzuli Məmmədov növbəti dəfə hiddətə səbəb olub.

Bu barədə saytımıza komandanın üzvləri məlumat verib.

Redaksiyamızla əlaqə saxlayan futbolçular yanvardan bəri sükan arxasında olan çalışdırıcının düşərgədə əhval-ruhiyyəni pisləşdirdiyini bildirib:

«Bizdə Ramazan ayında oruc tutanlar çox idi. Baş məşqçi imkan vermirdi oruc tutaq.

Başqa vaxt dindən, imandan danışır, amma biləndə ki filankəslər orucdur, tez başının üstünü kəsdirirdi. Xüsusən oyun günü və ondan əvvəl.

Uşaqları yığıb maşına, ətraf rayonlara aparırdı. Ağdaşa, Yevlaxa götürüb gedirdi, deyirdi ki, Mingəçevirdən 30-40 km uzaqdayıq, tez olun, orucu açın.

Neçə uşaq onun bu təkidindən sonra orucuu pozmaq məcburiyyətində qaldı. Füzuli tələbini yerinə yetirməyənləri hədələməyi xoşlayır.

Tapşırırdı ki, başqa vaxt oruc tutarsız, indi bizə nəticə daha çox vacibdir. Kim razılaşmır, ona barmaq silkələyir ki, səni komandadan qovacam.

İnanmırıq ki, digər yerlərdə belə hadisələr baş versin. Çoxumuz özümüz-özümüzü danlayırıq ki, nahaq bura gəldik.

«Mingəçevir»ə gələndə, bizə başqa vədlər verilmişdi. Ab-hava çox pisdir. Bu klubda bir rəhbər var, o da Füzulidir.

Qalan adamlar rəhbər deyil. onlar, sadəcə, Füzulinin tapşırıqlarını yerinə yetirən şəxslərdir. Füzuli bir balaca hirslənən, qışqıran kimi hamı bir-birinə dəyir, qabağına qaçır.

Çünki baş məşqçini bura onlar gətiməyib, təzə sponsorun adamları gətirib. Həmin şəxslər də komandayla yaxından maraqlanmır.

Bir Nicat müəllim var, onun üzünü görmüşük. Deyirlər, əvvəl «Neftçi»də işləyib. O da ki, baş məşqçinin işinə qarışmır».