Premyer Liqanın 19-cu turunda “Zirə” öz meydanında “Araz-Naxçıvan”ı qəbul edir.
Oyunda komandalar arasında gərginlik ən son həddədir.
İlk hissənin son dəqiqələrində Qara Qarayevlə Salifu Suma arasında yaşanan əl-qol mübahisəsinə Rafael Utziq də qoşulunca, emosiyalar qızışıb.
Hər iki komandanın üzvləri qısa müddətdə aranı sakitkəşdirməyə nail olub.
Əsl həngamə fasilədə baş verib.
Əliyar Ağayev ilk hissənin başa çatdığını bildirən fitini səaləndirən kimi Qara Rafaelə tərəf şığıyıb.
Bu an Rəşad Sadıqovun aranı sakitləşdirmək niyyəti ilə Qarayla yüksək tonda irad bildirməsi təcrübəli futbolçunun xoşuna gəlməyib.
Qara Sadıqova hər kəsin eşidəcəyi tonda cavab verib: “Görmürsən, söyüş söyür?”.
Mübahisə dəhlizdə davam edib. Polislərin müdaxiləsindən sonra hər iki komandanın üzvləri paltardəyişmə otaqlarına yollanıblar.
İkinci hissənin əvvəlində “Araz-Naxçıvan”ın baş məşqçisi Elmar Baxşıyev passivində sarı vərəqə olan Qara Qarayevi Mustafa Əhmədzadə ilə əvəzləyib.
HƏBİB / SPORTİNFO.AZ
VİDEONU BU LINKƏ DAXİL OLARAQ İZLƏYİN
VİDEONU BU LINKƏ DAXİL OLARAQ İZLƏYİN
