Qadın futbolçulardan ibarət Monteneqro yığmasının yarımmüdafiəçisi Yasna Cokoviç yerli mətbuata açıqlamasında UEFA Millətlər Liqasının I turunda Azərbaycan millisi ilə keçirilən səfər oyununu dəyərləndirib.
Sportinfo.az xəbər verir ki, 33 yaşlı oyunçu 0:0 hesablı qolsuz bərabərliklə yekunlaşan Bakıdakı matçda çıxışlarından razılıq bildirib.
Cokoviç qələbəyə daha yaxın olduqlarını söyləyib:
“Oyun üçün şərait çox ağır idi, mübarizə apardıq. Qələbə qazanmadığımız üçün peşman ola bilərik.
Çünki biz daha yaxşı idik. Amma ümumi götürdükdə uzaq səfərdə qazanılan xal qənaətbəxş nəticədir.
Litva ilə qarşıdakı matça maksimum konsentrasiyalı və motivasiyalı çıxacağıq ki, 3 xal qazanaq.
Bizim bir hədəfimiz var – qrupun qalibi olmaq. Bir-birimizə güvənirik və bu yolla istədiyimizə nail ola bilərik”.
