19 yaşadək qadın futbolçulardan ibarət Azərbaycan millisinin baş məşqçisi Həbib Ağayev Avropa çempionatının II seçmə mərhələsinin oyununda cəzalı futbolçu Pərişan Abdullayevanı meydana buraxmasına aydınlıq gətirib.
Sportinfo.az xəbər verir ki, "report"a açıqlama verən mütəxəssis iki sarı vərəqə alan futbolçunun üçüncü görüşə çıxmasının səbəbini belə izah edib:
"Qeyd olunan vəziyyət oyunçuların qeydiyyat sistemində baş vermiş texniki nasazlıqdan yaranıb.
Sistem üzərindən futbolçunun iştirakı təsdiqləndiyi üçün texniki heyət həmin məlumata əsaslanaraq onun oyunda iştirakını təmin edib.
Matçdan bir gün sonra turnirin deleqatının tövsiyəsinə uyğun olaraq futbolçunun üçüncü oyunda iştirakı təmin edilməyib".
Seçmə mərhələdə, Estoniya ilə qarşılaşmada (0:3) sarı vərəqə alan Pərişan Abdullayeva II seçmə mərhələnin Şimali İrlandiya ilə ilk görüşündə (0:4) də eyni halla üzləşib. O, bu səbəbdən Albaniya ilə oyunda iştirak etməməli idi.
Buna baxmayaraq, onun adı sözügedən matç üçün sistemə yüklənib və UEFA nümayəndəsi də bunu təsdiqləyib. Lakin həmin şəxs qarşılaşmadan sonra bunun fərqinə varıb.
Sonradan Pərişan Abdullayeva sonuncu turda Monteneqro (1:2) ilə matçın iştirak ərizəsinə salınmayıb və cəzasını həmin görüşdə çəkib.
.jpg)
