Keçmiş futbolçu Devid Bekhem və həyat yoldaşı, modelyer Viktoriya Bekhemin ailəsi yenə övladlarına görə gündəmə gəlib.
Sportinfo.az xəbər verir ki, 19 yaşlı Kruiz yeni sevgilisi ilə diqqət çəkib.
O, 29 yaşlı müğənni Ceki Apostolla eşq yaşayır. Müğənni artıq sevgilisinin məşhur valideynləri ilə tanış olub və son vaxtlar tez-tez onlarla ictimaiyyət qarşısına çıxıb.
Belə ki, ötən ay braziliyalı xanım bütün ailəsi ilə birlikdə Parisdə keçirilən Viktoriya şousunun ön cərgəsində əyləşib.
Məlum olub ki, Kruzun anası oğlunun eşq macərasından narazıdır. O, övladının özündən 10 yaş böyük xanımla eşq yaşamasını qəbul edə bilmir.
"Viktoriya son bir neçə həftə ərzində çox pis əhval-ruhiyyədədir. Bu ona oxşamır. Eşitdim ki, o, Kruizlə heç bir problem istəmir, amma yaş fərqi onu çox qorxudur" deyə, mənbə "Daily Mail" tabloidinə deyib.
Lakin Devid arvadının narahatlığını heç də bölüşmür. O, oğlunun seçiminə hörmətlə yanaşdığını bildirib.
.jpg)