.jpg)
«Millini çalışdıran əksər əcnəbilər Azərbaycan futbolçusuna və mediasına həmişə hörmətsiz yanaşıb».
Bu sözlər Sportinfo.az saytının təsisçisi İlkin Vaqifoğluna məxsusdur.
O bildirib ki, bu tendensiya Berti Foqtsun vaxtından başlayır və indi də davam edir.
Canni De Byazinin AVRO-2024-ün seçmə mərhələsində Belçika ilə qarşılaşmadan (5:0) sonra Brüsseldəki mətbuat konfransında azərbaycanlı jurnalistərə həqarət etməsinə toxunan İ.Vaqifoğlu deyib:
«Onun son hərəkəti mənə qəribə gəlmədi. Çünki Robert Prosineçki istisna olmaqla, bütün xarici məşqçilər yerli mətbuata aşağı-yuxarı eyni münasibəti göstərib.
Bu,Berti Foqtsun vaxtından belədir. Yəqin ki, heç kim onun Bakıdakı mətbuat konfransında baş verənləri hələ unutmavyıb.
O hadisənin iştirakçıları və şahidləri indi də yaşayır. Gəlmə məşqçilərin bizimkilərə yuxarıdan-aşağı baxması AFFA-dan qaynaqlanır.
Bu səlahiyyəti onlar veriblər. Orada çalışanlar həmin məşqçilərdə futbolumuz, futbolçumuz və media haqda çox pis fikir formalaşdırıb, ona görə də gəlib-gedən təhqir edir.
Belə hadisələr Türkiyə, yaxud bir başqa norma futbol ölkəsində baş verə bilməz. Kim bu sözləri işlətsə, onu o dəqiqə istefaya göndərərlər».
.jpg)
