Аzərbaycan Premyer Liqasında kлуб sayının artırılması gündəmdədir.
AFFA rəhbərliyi bu məsələni ciddi şəkildə müzakirə edir,
İcraiyyə Komitəsinin növbəti iclasında çempionatın coğrafiyasının genişləndirilməsi masaya yatırılacaq.
“Sportinfo TV”nin aparıcı eksperti Elçin Cəfərov maraqlı açıqlamalarla diqqət çəkib.
Tanınmış jurnalist deyib ki, legioner limiti ləğv edilərsə, klub sayının artırılması qaçılmazdır:
“Əldə etdiyimiz son məlumatlara görə, 12 və ya 14 sayı geniş şəkildə müzakirə edilib. Ancaq 12 sayının üzərində dayanılıb.
Belə olan halda, bölgə klublarına bu şans yaradılmalıdır. Paralel olaraq, Birinci və İkinci Liqada da iştirakçı sayı artırılmalıdır.
Yerli futbolçuların çıxışı üçün bu artım müsbət qarşılanmalıdır. Bu təşəbbüsü dəstəkləməli, bölgələrə futbolu daha çox yaymalıyıq.
Komandalar bir mövsüm ərzində niyə dörd dəfə qarşılaşmalıdır ki?”.
VİDEONU BU LINKƏ DAXİL OLARAQ İZLƏYİN
