Azərbaycan çempionatlarının ən erkən startı qeydə alınıb.
Sportinfo.az Peşəkar Futbol Liqasının mətbuat xidmətinə istinadən xəbər verir ki, Premyer Liqanın 2024/2025 mövsümünün ikinci yarısı yanvarın 17-də start götürüb.
Bu, ölkə çempionatlarında ilin ən erkən startı olub. Bunadək heç vaxt ilin ilk 17 günündə çempionat matçı keçirilməyib.
Əvvəlki illərdə ən erkən start yanvarın 21-nə təsadüf edib. 2020/2021 mövsümünün üç, ötən çempionatın bir qarşılaşması ilin 21-ci günündə baş tutub.
