Premyer Liqanın ən yaxşı yerli bombardiri bəlli olub.
Sportinfo.az xəbər verir ki, “Qarabağ”ın müdafiəçisi Toral Bayramov mövsümün ilk yarısının ən məhsuldar azərbaycanlı oyunçusudur.
5 qola imza atan futbolçu bombardirlər yarışında 6-7-ci yerləri bölüşür. Onun şəriki “Zirə”nin gürcüstanlı legioneri Giorgi Papunaşvilidir.
İlk 5 pillədə isə əcnəbilərdir. Coy-Lens Mikels (“Sabah”) və Felipe Santos (“Araz-Naxçıvan”) hərəyə 8 qol vurublar. Davit Volkov (“Zirə”), Leandro Andrade (“Qarabağ”) hərəyə 7, Cesse Sekidika (“Sabah”) 6 dəfə fərqlənib.
Yerli statusa malik oyunçular arasında 2-3-cü yerləri Nəriman Axundzadə (“Qarabağ”) və Orxan Əliyev (“Kəpəz”) bölüşürlər. Onların hərəsi 4 dəfə fərqlənib.
Premyer Liqanın ikinci yarısı 2025-ci il yanvarın 17-də start götürəcək.
