“Hər tur çalışırıq futbolu müzakirə edək.
Ancaq hakimlərin kobudcasına qərəzli qərarları futbolu arxa plana atır.
“Qarabağ” – “Şamaxı” qarşılaşmasında (3:0) təyin edilən penalti cavablandırılmayan suallarla doludur.
Cavid Cəlilov səhv etdi, bəs VAR niyə var? Son dövrlərdə hakim səhvləri çoxalıb”.
Bu açıqlama ilə “Sportinfo TV”nin aparıcı eksperti Elçin Cəfərov çıxış edib.
Tanınmış jurnalist Premyer Liqada başa çatan 11-ci tur barədə danışarkən son həftələrdə artan hakim səhvləri ilə bağlı fikirlər səsləndirib.
Elçin Cəfərov eyni zamanda “Sabah” – “Neftçi” dueli barədə danışıb, ev sahiblərinin daha aktiv olduğu qarşılaşmada qonaqların çalışdırıcısı Samir Abasovun komandaya gətirdiyi ab-havanın futbolçularda yaratdığı yüksək motivasiya haqda şərh verib.
VİDEONU BU LINKƏ DAXİL OLARAQ İZLƏYİN
