.jpg)
“Qarabağ”ın Çempionlar Liqasında Liqa mərhələsinə adlaya bilməməsi Misli Premyer Liqasının digər klublarının işinə yaramayıb.
Sportinfo.az xəbər verir ki, Azərbaycan çempionunun pley-off mərhələsində Zaqreb “Dinamo”suna məğlubiyyəti digər klublarımızın UEFA-dan gəlir əldə etməsinə mane olub.
Məsələ burasındadır ki, UEFA-nın proqramına əsasən, bir klubu Çempionlar Liqasının Liqa mərhələsinə adlayan ölkənin yüksək liqa komandaları UEFA-dan həmrəylik ödənişi əldə edirlər.
Həmin məbləğ dəqiq bilinməsə də, bunun 550 min – 1 milyon avro arasında olması gözlənilir.
Yəni “Dinamo” mübarizəni davam etdirdiyindən, Xorvatiya çempionatının hər bir iştirakçısı bu qədər qazanc götürəcək.
“Qarabağ” Avropa Liqasının Liqa mərhələsində mübarizə aparacaq.
