"IQ Sports Media və Marketinq Agentliyi"nin yeni media layihəsi "Tura baxış" start götürüb.
Podkastın aparıcısı tanınmış telejurnalist İsmayıl Abdullayevdir.
Onun təqdimatı ilə Azərbaycan çempionatının hər turdan sonra matçların təhlili, məşqçi və futbolçuların yaddaqalan fikirlərinin müzakirəsi aparılacaq.
Meydanda və kənarda baş verən hadisələrin şərhi, bir sözlə, futbolumuza fərqli baxış məhz bu layihədə olacaq.
Həmçinin izləyicilərin mövqeyi nəzərə alınacaq - onlar hər turun ən yaxşı futbolçusunu seçəcəklər.
Verlişin qonaqları da maraqlı personalardır - millinin sabiq müdafiəçisi Ruslan Əmircanov və akytor Əkbər Vəliyev.
SPORTİNFO.AZ
