Çempionlar Liqasının qrup mərhələsini hədəfləyən “Qarabağ” 3-cü mərhələdə “Ludoqorets”lə münasibətlərinə aydınlıq gətirəcək.
Komandalar arasında ilk oyunun Bakıda baş tutması ttəmsilçimizin mərhələ adlamaq şanslarını asanlaşdırır.
Buna səbəB Bolqarıstan nəhənginin əsasən ev komandası kimi tanınması, səfər görüşlərində məğlubiyyətə alışmasıdır.
“Ludoqorets” cari Çempionlar Liqası mövsümündə iki mərhələ adlayıb. İlk cəhddə “Dinamo Batumi”ni, növbəti etapda “Dinamo Minsk”i mübarizədən kənarlaşdırıb.
“Qarabağ”ın rəqibi bu komandaların hər ikisinə səfərdə 0:1 hesabı ilə uduzub. Yalnız Razqraddakı qələbələrin sayəsində mərhələni adlamağı bacarıb.
“Qartallar” ötən avrokubok mövsümünə ÇL-də başlayıb, Avropa Liqasında davam edib, Konfrans Liqasında başa vurub. Bu yarışlarda ümumilikdə 16 oyun keçirib ki, bunların tən yarısı səfərdə baş tutub.
5 görüşdə uduzub, 1 dəfə heç-heçə edib, digər 2-ni qələbə ilə başa vurub. Udduğu komandalardan biri “Ayaks”, o biri “Spartak Trnava” olub.
Avqustun 6-da baş tutacaq “Qarabağ” – “Ludoqorets” dueli saat 20:00-da start götürəcək.
HƏBİB / SPORTİNFO.AZ
