![Rəfiyev də Paris-2024-də iştirak edəcək](https://www.sportinfo.az/media/2024/07/13/30f4d3ef-64ae-379c-82ab-05c121643032_850.jpg)
Azərbaycanın daha bir atleti Paris Yay Paralimpiya Oyunlarında iştirak edəcək.
Sportinfo.az Milli Paralimpiya Komitəsinin (MPK) mətbuat xidmətinə istinadən xəbər verir ki, paraatlet Rüfət Rəfiyev Paris-2024-də mübarizə aparacaq.
Yüksək idman nəticələri nəzərə alınaraq Dünya Atletika Federasiyası tərəfindən ona lisenziya verilib.
Bu, idmançının iştirak edəcəyi ikinci Paralimpiya Oyunları olacaq. R.Rəfiyev Rio-2016 Paralimpiadasında debüt edib.
Paris Yay Paralimpiya Oyunları avqustun 28-də start götürəcək.