“Çox şükür ki, bacardım, qızıl medalı qazandım”.
Sportinfo.az xəbər verir ki, bunu “Paris-2024” Yay Paralimpiya Oyunlarının qızıl medalçısı Azərbaycan paraatleti Səid Nəcəfzadə deyib.
İdmçançı Paralimpiya Oyunlarında ikinci dəfə iştirak etdiyini xatırladıb:
“Üç il əvvəl “Tokio-2020”də bürünc medal əldə etmişdim. Bu, məni Parisdə keçirilən Paralimpiya Oyunlarına daha da yaxşı hazırlaşmağıma təkan verdi.
Çox çalışmışdıq. Bura gəlməzdən əvvəl dünya çempionu olmuşdum. Bu da məni favoritlər arasında göstərirdi. Bunun üçün də daha çox həyəcanlı idim”.
