“Sevinirəm ki, təcrübəli idmançını mübarizədən kənarlaşdıra bildim”.
Sportinfo.az xəbər verir ki, bunu Azərbaycan boksçusu Murad Allahverdiyev Fransa paytaxtında təşkil olunan Yay Olimpiya Oyunlarındakı ilk görüşü ilə bağlı danışarkən deyib.
M.Allahverdiyev 1/8 finalda misirli Abdelrahman Abdelqavvada qalib gəlib. O, 1/8 finalda qələbə qazandığı qarşılaşmanı şərh edib:
"Məğlub etdiyim rəqib Yay Olimpiya Oyunlarında üçüncü dəfədir iştirak edir.
Sevinirəm ki, belə bir təcrübəli idmançını mübarizədən kənarlaşdıra bildim. Düşünürəm ki, yaxşı mübarizə apardım".
