Bakıda keçirilən XV Avropa Gənclər Yay Olimpiya Festivalının altıncı gününə yekun vurulub.
Sportinfo.az xəbər verir ki, Azərbaycan günü üç medalla başa vurub.
Nəticədə ölkəmizin qazandığı medalların sayı 23-ə çatıb. Bunlardan 10-u qızıl, 7-si gümüş, 6-sı isə bürüncdür. Azərbaycan bu göstərici ilə 2-ci sıradakı yerini qoruyub.
İlk pillədə Rusiyadı. Şimal qonşumuzun aktivində 25-i qızıl, 14-ü gümüş, 19-u bürünc olmaqla 58 medal var.
Üçüncü sırada isə Türkiyə qərarlaşıb. Qardaş ölkə Azərbaycan kimi 10 qızıl medal qazanıb. Türkiyəli idmançıların qazandıqları medallardan 5-i gümüş, 9-u isə bürüncdür.
