.jpg)
"Azərbaycanın ən böyük klubunda oynamaq üçün səbirsizlənirəm".
Sportinfo.az xəbər verir ki, bunu "Neftçi"yə yeni transfer olunan almaniyalı Robert Bauer instaqram səhifəsində yazıb.
29 yaşlı müdafiəçi paytaxt klubu ilə 3 illik müqavilə bağlayıb. O, "ağ-qaralar"ın heyətində 23 nömrəli formanı geyinəcək.
Karyerasına 2014-cü ildə ölkəsində - "Karlsrue"də başlayan Bauer ilk peşəkar müqaviləsini "İnqolştadt" (Almaniya) ilə bağlayıb.
Burada 48 matç keçirib, daha sonra yüksək məbləğ qarşılığında "Verder"ə üz tutub, 3 il "ağ-yaşıllar"a məxsus olub.
2018-2019-cu illərdə "Nurnberq"in formasını icarə əsasında geyinib. O, ümumilikdə Almaniya Bundesliqasında 89 matçda forma geyinib.
2019-cu ildə Rusiyanın yolunu tutub, 2 il Tula "Arsenal"ın uğurları üçün tər töküb.
Növbəti iki ili isə Belçikada, "Sint Trüden"də çıxış edib. Sonuncu klubu Səudiyyə Ərəbistanında "Əl-Tai" olub.
R.Bauer Almaniyanın U-20 və Olmpiya millilərində də çıxış edib.
