Zədə səbəbindən son turlarda meydana çıxa bilməyən “Neftçi”nin yarımmüdafiəçisi Emin Mahmudov artıq kollektivlə məşqlərə qayıdıb.
Sportinfo.az xəbər verir ki, futbolçu Premyer Liqanın 31-ci turunun “Qarabağ”a qarşı görüşünün hazırlıqlarında iştirak edir.
Mahmudovun Azərbaycan derbisinə hazır olacağı gözlənilir. Lakin Emil Səfərov, Renosuke Ohori və Robert Bauer zədə səbəbindən “Qarabağ”a qarşı oynamayacaq.
“Qarabağ” – “Neftçi” görüşü aprelin 19-da keçiriləcək və görüşə 20:00-da start veriləcək.
